Organic Pet Life
柴犬兄弟嘅
柴犬兄弟嘅
大自然探險記
財仔 Choi & 鬍鬚 Wuso
財仔 Choi & 鬍鬚 Wuso
兩隻熱愛戶外生活嘅柴犬仔，性格各有不同，但一樣咁可愛！
哈囉喂！講到我哋嘅狗生，最開心就係跟住爸爸媽媽去闖蕩江湖，周圍去玩。
每次一見到屋企人執好個露營背囊，我哋對眼就會發光，條尾搖到似直升機咁！你睇下我哋著住件 Adidas 運動裝，係咪好有型先？財仔我一見到草地就想狂奔，至於肥嘟嘟嘅鬍鬚就梗係負責霸個靚位等開飯啦！
除咗普通露營，我哋仲會去玩 Glamping 豪華露營㗎！有靚靚嘅露營車，仲有花花收。
大自然嘅空氣特別清新，喺戶外食嘢都零舍好味。鬍鬚話：「雖然我平時掛住食，大家都話我最有福氣，有得食有得玩，狗生真係太 Chill 喇！」
天氣好嘅日子，去海邊吹海風就最梳乎。
著起件牛仔褸，或者戴住醒神嘅口水肩，坐喺青馬大橋底下打卡，靚仔到暈呀！海風吹過嚟，啲毛毛隨風飄揚，呢啲就係大自然嘅氣息，我哋柴犬兄弟真係好識享受生活！
就算留喺室內，爸爸媽媽都會幫我哋扮到靚一靚，影好多沙龍相！
